Shakast-O-Rekht Ne Rakkha Idhar Udhar Kaise
Tamam Umr Fire Hum Bhi Dar Badar Kaise

Rafeeq Ahad Shikan The, Akela Chhod Gaye
Ghuroob Din Hua jaari Rakhoon Safar Kaise

Watan Ke Bagh Ki Chhanw Jawab Dene Lagi
Darakht Sookh Chale Hon To Phir Samar Kaise

Yakeen Kaun Karega Agar Batayein Bhi
Ke Baap Hote Hue , Hum Hain Bepidar Kaise

Ye Kya kaha Ke Sabaq Zalzale Se Milta Hai
To Phir Jahan Tha Wahin Par Hai Ye Bashar Kaise

Ye Kya Kaha Ke Hai Aawargi Ka Apna Mizaaj
Tujhe Bataoon Sabab Iska Kamnazar Kaise

Badal Ke Rakh Dia Nairang-e-Dahar Ne Sabkuchh
Janabe Rekhta Par Tum Ho Bekhabar Kaise